ხუთვარსკვლავიანი სასტუმრო „კოლიზეუმ მარინა“ ბათუმის დასავლეთ ნაწილში, ზღვის პირას მდებარეობს. მის განკარგულებაშია საკუთარი პლაჟი და მიმდებარე კეთილმოწყობილი ტერიტორია. 10-სართულიანი All inclusive კონცეფციის სასტუმრო 101 ნომერს აერთიანებს. გამორჩეულ არქიტექტურასა და დახვეწილ დიზაინთან ერთად, თითოეულ ოთახს დამატებით უპირატესობას ზღვის პოეტური ხედი სძენს. საკუთარი პლაჟი, საცურაო აუზები, კომფორტული ოთახები, რესტორნები, ბარები, სპა - ამ და სხვა კომპონენტების ერთობლიობა საოცნებო დასვენებისთვის იდეალურ გარემოს ქმნის. სასტუმროს მთელი კომპლექსი, ეფექტურად ათვისებული კომფორტის ყველა პირობას უზრუნველყოფს, კეთილგანწყობილი, სტუმართმოყვარე პერსონალი კი ორიენტირებულია იმაზე, რომ "კოლზეუმ მარინაში" გატარებული დღეები სასტუმროს ნებისმიერი სტუმრისთვის დაუვიწყარ მოგონებად იქცეს.

"კოლიზეუმ მარინა" ბათუმის მთავარ ღირსშესანიშნაობებთან ახლოს მდებარეობს. ქალაქის ტურისტულ ცენტრთან ფეხით მისვლას დაახლოებით 15 წუთი სჭირდება. აეროპორტიდან სასტუმრომდე ტრანსპორტით მისასვლელი მაქსიმალური დრო 10 წუთს შეადგენს, ხოლო რკინიგზის სადგურიდან - 15 წუთს. სასტუმროს ადგილმდებარეობა დამატებითი კომფორტია როგორც ოჯახებისთვის, ისე ტურისტებისა და საქმიანი სტუმრებისთვის. სრულყოფილ ოთახებთან ერთად, "კოლიზეუმ მარინაში" ღია და დახურული საცურაო აუზები, ჩოგბურთის კორტები, 120 ადამიანზე გათვლილი საკონფერენციო დარბაზი, სპა ცენტრი და სატრენაჟორო დარბაზი ფუნქციონირებს.